1.Febrúar."Siðlaus blindur sigurvilji".Skyrpa.

 

Það er nú þannig með okkur sem eigum að verja markið að hver leikur hefur sína útfærslu.

Menn sleikja út um í markaskorun sé markvörðurinn ekki í stuði,og vörnin ennþá að skemmta sér á sunnukórsballinu sem haldin var kvöldið áður.

Svenni sagði reyndar þegar hann heyrði að mótinu hefði verið frestað fram á helgina 8.febrúar.Að hann hefði bara innbyrt eitt glas,á þessu konukvöldi,til að takast á við mótið ,en það kom annað í ljós í þessum leik,já,það var annað var nú upp á tenningnum hjá honum í hita og þunga leiksins .þar  örlaði á svima á köflum þannig að það lá við öngviti og það sást til hans skyrpta blóðugum hráka í lófanna vegna lélegs úthalds.Fyllibita og ekkert annað.Ef glösin voru ekki 10 til 12.Skal ég labba til Suðureyrar næsta sumar í þoku.

 Marvörðurinn reynir í örvæntingu að hækka viðbúnaðarstigið í hópnum sínum úr gulu upp í appelsínugult með því að hækka róminn ef það skildi verða til þess að menn reyndu að snúa til baka í vörnina.

Eggert er að skaga sér á markstönginni  hinum megin þótt boltinn væri í þann vegin að telja stig fyrir andstæðingana , hérna megin.þetta kallast víst þynnkubolti .Það fer ekki á milli mála .Ótæpilega hefur verið drukkið í gærkveldi af kampavíni sem virkar oft ekki fyrr en daginn eftir.

Það þýðir ekkert að tala um fyrir þessum rauðþörungs andstæðingum,að þeir skjóti of fast eða sýni óþarfa ruddamennsku ,maður fær alltaf til baka þetta hæðnisglott,og  meldingu eins og „Fyrirgefðu,en ég bara skil ekki apa með banana í taðgatinu“.

Þeir eru hissa að markvörðurinn skuli súpa hveljur,leikaraskapurinn er yfirþyrmandi menn taka kornísa,skotís,birri,birri,bimm,bam,liggja eins og skatta við hlið marksins og veina á ámenningu fyrir ruddalegt olnbogaskot.Svo standa þeir upp aftur eins og ungfrú Grænland loðnir um allt sem sést,og reyna að greiða yfir skallann í sautján þúsundasta skipti,og ganga út á völlinn bara smáhaltir og óhaltir þegar komið er fram yfir miðlínu.Þetta er víst kallað á fagmáli „siðlaus blindur sigurvilji án samviskubits"

Ástandið versnar stöðugt .Það mætti alveg finna „reset“takan og ýta á´‘ann“Æ,! þetta vesæla bláa lið sem ég er búin að taka upp á mína arma.Hvað á ég að gera?Ég sem markvörður er kominn á bömmer með mannskapinn.

Dæmi um ástandið:Á meðan sóknarliðið mitt er að skoða kaðlana hinum megin, þarf Jón Sigurpáls  ekki einu sinni að nota „Kyrrstöðutaktíkina sína,hleypur bara upp völlinn miðjan eins og prímadonna sem er að flýta sér á klósetið ,það er að segja með raskinnarnar samanklemmdar af spenningi og litlu sætu fæturnir sem tipla og ég „Þursinn“ræðst á móti honum eins og á gamla konu á Miklatúni til að rífa af henni veskið ,hann fer til baka eftir skorið með þennan svaka svip sem hann sendir mér og  breytist um leið í sitt rétta eðli "rauðkinna málaðan draumillan dragklæðning" Já,sá skiptingur lætur sauðagæruna aldrei langt frá sér.

Tolli „baunavellingur“(en það orð er notað yfir menn sem eru harðir á yfirborðinu en linir innvortis.)Er alltaf á hægri kantinum ,beinskeittur þar til einhver nær af honum  boltanum ,þá snýr hann sér upp að vegg og sparkar í hann eða slær höfðinu við,og svo er hann aftur orðinn harði kallinn og breytir um gír með rasskinnunum ,vinstri kinnin út einu sinni, fyrsti gír.Hægri kinnin  tvisvar út ,annar gír.Hærra kemst hann ekki.Hann reyndi í dag við þriðja gírinn en missti jafnvægið við það og Svenni  steig ofan á hann í látunum til að koma honum í hlutlausan.

Það má segja með Eggert Stefánsson að hann er betri en engin.Þessi drengur hefur svo gott yfirlit á allri boltameðferð ,kurteissislegum tæklingum ,góðlátlegum spörkum sem radda oft í netið. Mér finnst að hann eigi að heima í bláa liðinu.Blát fer honum mikið betur en það rautt,hann er nefnilega svo mikið vor.Enda bauð framsóknarmaðurinn Gísli jón honum stöðu í hinu nýja „Skuggamálaráðuneyti“ flokksins embætti sem heitir„Yfirmálafótboltaráðneytisstjór“tæki hann boðinu.Ég held að hann sé ennþá upp á Torfnesi að teygja á og hugsa málið.

 P.S.Af því að allir vilja stofna flokka um þessar mundir,sting ég upp á að stofnaður verði flokkur eða þrýstihópur innan einhvers flokks  undir nafninu“Stofnun samtaka um Sára menn í miðaldra fótbolta“

 

Formaðurinn lifi.

 

Athugasemdir

[heimir (IP-tala skráð) 1.2.2009 kl. 21:47]

liverpool vann 2-0 i dag ,goður dagur. heimir

[Þorleifur Ágústsson, 1.2.2009 kl. 23:36]

þetta kallast á góðri íslensku "að fá gúmorren"!

Lifi formaðurinn!